สฺวาหํปิ เตหิปิ สิกฺขาปิโต ชานามิ ปสฺสามิ จ อิมสฺส นามติถาย ปพฺพชามีติ ฯ กลฺโลสิ
ภนฺเต นาคเสนาติ ฯ

ปพฺพชาปญฺโห ปญฺจโม ฯ

ราชา อาห ภนฺเต นาคเสน อตฺถิ โกจิ มโต นปฺปฏิสนฺธิยตีติ ฯ เถโร
อาห โกจิ มหาราช ปฏิสนฺธิยติ โกจิ นปฺปฏิสนฺธิยตีติ ฯ ราชา อาห โกปิ ปฏิสนฺธิยติ
โก นปฺปฏิสนฺธยตีติ ฯ เถโร อาห สกิเลโส มหาราช ปฏิสนฺธิยติ นิกฺกิเลโส นปฺปฏิสนฺธิยตีติ
ฯ ราชา อาห ตฺวํ ภนฺเต นาคเสน ปฏิสนฺธิยสีติ ฯ เถโร อาห สเจ มหาราช
สอุปาทาโน ภวิสฺสามิ ปฏิสนฺธิยสฺสามิ สเจ อนุปาทาโน ภวิสฺสามิ
นปฺปฏิสนฺธิยิสฺสามีติ ฯ กลฺโลสิ ภนฺเต นาคเสนาติ ฯ

ปฏิสนฺธิคหณปญฺโห ฉฏฺโฐ ฯ

ราชา อาห ภนฺเต นาคเสน โย นปฺปฏิสนฺธิยติ นนุ โยนิโส มนสิกาเรน
นปฺปฏิสนฺธิยตีติ ฯ เถโร อาห โยนิโส จ มหาราช มนสิกาเรน ปญฺญาย จ
อญฺเญหิ จ กุสเลหิ ธมฺเมหิ นปฺปฏิสนฺธิยตีติ ฯ ราชา อาห ภนฺเต โยนิโส มนสิกาโร
สา ปญฺญาติ ฯ น หิ มหาราช อญฺโญ โยนิโส มนสิกาโร อญฺญาปิ ปญฺญา เยสํ
ปน มหาราช อชปสุมหิสโอฏฺฐโคณคทฺรภานํ มนสิกาโร อตฺถิ ปญฺญา ปน เตสํ
นตฺถีติ ฯ

มนสิกาปญฺโห สตฺตโม ฯ

ราชา อาห กึลกฺขณ ภนฺเต นาคเสน มนสิกาโร กาลกฺขณา ปญฺญาติ ฯ
เถโร อาห อุสฺสหนลกฺขโณ คหณลกฺขโณ มหาราช มนสิกาโร เฉทนลกฺขณา
ปญฺญาติ ฯ ราชา อาห กถํ คหณลกฺขโณ มนสิกาโร กถํ เฉทนลกฺขณา ปญฺญา
อุปมํ กโรหีติ ฯ เถโร อาห ชานาสิ ตฺวํ มหาราช ยวลายกนฺติ ฯ อาม ภนฺเต
ชานามิ ยวลายกนฺติ ฯ เถโร อาห กถํ มหาราช ยวลายกนฺติ ฯ วาเมน ภนฺเตน
หตฺเถน ยวกลาปํ คเหตฺวา ทิกฺขิเณน หตฺเถน ทาตฺตํ คเหตฺวา ทกฺขิณหตฺเถน ทาตฺเตน
ฉินฺทนฺติ ภนฺเตติ ฯ เอวเมว โข มหาราช โยคาวจโร โยนิโส มนสิกาเรน มานสํ
คเหตฺวา ปญฺญาย ฉนฺทติ เอวํ คหณลกฺขโณ มหาราช มนสิกาโร เอวํ เฉทนลกฺขณา

ปญฺญาติ ฯ กลฺโลสิ ภนฺเต นาคเสนาติ ฯ

มนสิการลกฺขณปญฺโห อฏฺฐโม ฯ

ราชา อาห ภนฺเต นาคเสน ยํ ปเนตํ พฺรูสิ อญฺเญหิปิ กุสเลหิ ธมฺเมหีติ
กตเม เต กุสลา ธมฺมาติ ฯ เถโร อาห อิทํ มหาราช สีลสทฺธาวิริยสติสมาธิปญฺญา
อิเม เต กุสลา ธมฺมาติ ฯ ราชา อาห กึลกฺขณํ ภนฺเต สีลนฺติ ฯ เถโร อาห
ปติฏฺฐานลกฺขณํ มหาราช สีลํ สพฺเพสํ กุสลานํ ธมฺมานํ อินฺทฺริยพลโพชฺฌงฺคสติปฏฺ
ฐานสมฺมปฺปธานอิทฺธิปาทชฺฌานวิโมกฺขสมาธิสมาปตฺตีนํ สีลํ ปติฏฺฐา สัเล ปติฏฺฐิตสฺส โข
มหาราช สพฺเพ กุสลา ธมฺมา น ปริหายนฺตีติ ฯ ราชา อาห อุปมํ กโรหีติ ฯ
เถโร อาห ยถา มหาราช เย เกจิเม วีชคามา ภูตคามา วุฑฺฒึ วิรุฬฺหึ เวปุลฺลํ อาปชฺชนฺติ
สพฺเพ เต ปฐวึ นิสฺสาย ปฐวิยํ ปติฏฺฐาย วุฑฺฒึ วิรุฬฺหึ อาปชฺชนฺติ เอวเมว โข
มหาราช โยคาวจโร สีลํ นิสฺสาย สีเล ปติฏฺฐาย ปญฺจินฺทฺริยานิ ภาเวติ สทฺธินฺทฺริยํ
วิริยินฺทฺริยํ สตินฺทฺริยํ สมาธินฺทฺริยํ ปญฺญินฺทฺริยนฺติ ฯ ภิยฺโย อุปมํ กโรหิ ภนฺเตติ ฯ
ยถา มหาราช เย เกจิ ถลกรณียา กมฺมนฺตา กริยนฺติ สพฺเพเต ปฐวึ นิสฺสาย ปฐวิยํ
ปติฏฺฐาย ถลกรณียา กมฺมนฺตา กริยนฺติ ฯ เอวเมว โข มหาราช โยคาวจดร สีลํ
นิสฺสาย สีเล ปติฏฺฐาย ปญฺจินฺทฺริยานิ ภาเวติ สทฺธินฺทฺริยํ วิริยินฺทฺริยํ สตินฺทฺริยํ สมาธินฺทฺริยํ
ปญฺญินฺทฺริยนฺติ ฯ ภิยฺโย อุปมํ กโรหีติ ฯ ยถา มหาราช โย โกจิ ลงฺฆิโก ปุริโส
สิปฺปํ ทสฺเสตุกาโม ปฐวึ ขณาเปตฺวาา สกฺขรกปาลํ อปกฑฺเฒตฺวา สมํ การาเปตฺวา สมาย
ภูมิยา สิปฺปํ ทสฺเสติ เอวเมว โข มหาราช โยคาวจโร สีลํ นิสฺสาย สีเล ปติฏฺฐาย
ปญฺจินฺทฺริยานิ ภาเวติ สทฺธินฺทฺริยํ วิริยินฺทฺริยํ สตินฺทฺริยํ สมาธินฺทฺริยํ
ปญฺญินฺทฺริยนฺติ ฯ ภิยฺโย อุปมํ กโรหีติ ฯ ยถา มหาราช วฑฺฒกี นครํ
มาเปตุกาโม นครฏฺฐานํ โสธาเปตฺวา ขาณุกณฺฏกํ อปกฑฺฒาเปตฺวา สมํ การาเปตฺวา
นครํ ตโต จ ปรภาคา วิถีจตุกสิงฺฆาฏกาทิวิถึ ปริจฺเฉเทน วิภชฺชิตฺวา มาเปติ เอวเมว
โข มหาราช โยคาวจโร สีลํ นิสฺสาย สีเล ปติฏฺฐาย ปญฺจินฺทฺริยานิ ภาเวติ สทฺธินฺทฺริยํ
วิริยินฺทฺริยํ สตินฺทฺริยํ สมาธินฺทฺริยํ ปญฺญินฺทฺริยนฺติ ฯ ภิยฺโย อุปมํ กโรหิ ภนฺเตติ ฯ
ยถา มหาราช สงฺคามาวจโร โยโธ สเม ภูมิภาเค ปติฏฺหิตฺวา สมสมํ กโรนฺโต สงฺคามํ
กโรติ นจิรสฺเสว มหนฺตํ ชยํ ปาปุณาติ เอวเมว โข มหาราช โยคาวจโร สีลํ นิสฺสาย
สีเล ปติฏฺฐาย ปญฺจินฺทฺริยานิ ภาเวติ สทฺธินฺทฺริยํ วิริยินฺทฺริยํ สตินฺทฺริยํ สมาธินฺทฺริยํ